Kuvendi i Shqipërisë do të zhvillojë sot një seancë plenare me një agjendë të ngarkuar politike dhe institucionale. Në fillim të seancës pritet të diskutohet një mocion me debat lidhur me problematikat e evidentuara në raportin e Departamentit Amerikan të Shtetit për klimën e investimeve në Shqipëri, si dhe gjetjet e progresraportit të Komisionit Evropian për vendin.
Në vijim, deputetët do të shqyrtojnë edhe projektrezolutën për procesin e integrimit të Shqipërisë në European Union. Pjesë e rëndësishme e seancës do të jenë interpelancat me anëtarët e qeverisë, ku kryeministri Edi Rama do të përballet me pyetje nga deputeti Tritan Shehu lidhur me një editorial të publikuar së bashku me presidentin serb Aleksandar Vučić në median gjermane “Frankfurter Allgemeine Zeitung”.
Seanca do të vazhdojë edhe me disa interpelanca ndaj ministrave të kabinetit qeveritar. Mes çështjeve që pritet të debatohen janë leja e ndërtimit në Rrjoll të Shkodrës, rritja e çmimeve të energjisë dhe karburanteve, trajtimi i kafshëve të braktisura nga pushteti vendor, organizimi i shërbimit zjarrfikës, si dhe aktivitetet kriminale të mashtrimeve përmes “Call Center”-ave në Shqipëri.
