Rama kërcënon SPAK-un: Të mos bëjë gabim ta marrë telefonin tim

Kryeministri i Shqipërisë, Edi Rama, kërcënoi SPAK-un, duke i thënë se nuk duhet të guxojë që t’ia marrë celularin.

Ai tha se duhet të merren me faktet dhe jo të marrin telefonat e të gjithëve.

“Ta përdorin pavarësinë për të bërë drejtësi dhe jo politikë. Kur them politikë është kjo: meqë njërin po e lëmë në ballkon, të kapim tre nga këta të tjerët. Meqë kapëm kryetarin e Bashkisë, të kapim dhe këtë tjetrin për diplomë. Të përfundojë njeriu në SPAK për diploma… çfarë është kjo? Në këtë kuptim e kam kur them politikë. Ndjekin mediat, kompleksohen dhe bëjnë balet. Dhe mos të bëjnë gabim të kërkojnë telefonin tim sepse boll i kanë, kanë mbledhur të gjithë telefonat e Shqipërisë atje. Të merren me faktet”, u shpreh Rama