Pas fitores së kandidatit të krahut të djathtë, Abelardo de la Espriella, i njohur si “Tigri”, në zgjedhjet presidenciale në Kolumbi, vëmendja e opinionit publik është zhvendosur te bashkëshortja e tij, Ana Lucia Pineda. Ajo do të jetë zonja e parë e vendit, duke sjellë një profil të kombinuar mes biznesit, karrierës profesionale dhe përkushtimit familjar.
Kush është Ana Lucia Pineda? E lindur në vitin 1988 në Montería, Pineda ka ndërtuar një karrierë të suksesshme larg politikës së drejtpërdrejtë. Ajo është diplomuar për Administrim Biznesi në Bogota dhe ka një përvojë të gjerë në fushën e marketingut, burimeve njerëzore dhe menaxhimit të cilësisë. Përveç angazhimit të saj në sipërmarrje në sektorët e mikpritjes dhe argëtimit në SHBA, ajo ka luajtur një rol kyç në themelimin dhe menaxhimin e firmës ligjore të bashkëshortit të saj, “De la Espriella Lawyers”.
Një histori dashurie që zgjat gati dy dekada Çifti, që është martuar prej 17 vitesh dhe ka katër fëmijë (Lucía, Salvador, Filippo dhe Francesca), ka një histori të veçantë. Ata njiheshin që në fëmijëri për shkak të miqësisë së prindërve të tyre, por u rilidhën vite më vonë, kur sipas presidentit të ri, ndodhi dashuria “me shikim të parë”.
Përkushtimi në fushatë Gjatë fushatës presidenciale, Pineda u shfaq si një mbështetëse kryesore e bashkëshortit të saj. Presidenti i ri ka shprehur publikisht mirënjohjen ndaj saj, duke e përshkruar si një grua me disiplinë dhe përkushtim të heshtur, e cila do të jetë një frymëzim për familjet kolumbiane. Në një mesazh emocionues në rrjetet sociale, De la Espriella u shpreh:
“Kolumbia do të ketë një zonjë të parë të denjë për madhështinë e saj. Faleminderit për dashurinë e pakushtëzuar, forcën dhe përkushtimin që ke ndarë me mua në çdo hap të këtij rrugëtimi.”
Me një profil prej profesionisteje dhe një marrëdhënieje të qëndrueshme prej 18 vitesh, Pineda pritet të jetë një figurë aktive në jetën publike të Kolumbisë, duke u fokusuar te vlerat familjare dhe projekte që mbështesin zhvillimin social të vendit.
