Presidenti amerikan Donald Trump deklaroi se SHBA-të së shpejti do të nisin goditje ndaj rrugëve tokësore që përdoren për transportimin e drogës nga Venezuela drejt territorit amerikan. Ai ka paralajmëruar disa herë javët e fundit se do të autorizojë operacione ushtarake për të ndërprerë dërgesat e karteleve, përfshirë edhe ato që kalojnë përmes vendeve fqinje.
Forcat amerikane ndërkohë po kryejnë edhe operacione detare në Karaibe kundër anijeve të dyshuara për trafik narkotikësh. Presidenti venezuelian Nicolás Maduro ka akuzuar Uashingtonin se po përdor luftën kundër karteleve si pretekst për të synuar ndryshim regjimi në Caracas dhe për të marrë nën kontroll fushat naftësjellëse të vendit.
