TIRANË – Bukuria dhe eleganca shqiptare kanë pushtuar sërish faqet e tabloidit prestigjioz britanik “The Sun”. Moderatorja e njohur, Eva Murati, është bërë sërish objekt komenti nga media britanike pas paraqitjeve të saj spektakolare gjatë mbrëmjeve të fundit të UEFA Champions League, raporton Kohanews.
“Një zgjedhje e guximshme dhe plot klas”
“The Sun” ka vënë në dukje stilin unik të 30-vjeçares, duke përshkruar me detaje veshjen e saj që “çmendi” fansat: një bluzë jeshile me prerje të guximshme, kombinuar me një fund të zi elegant. Sipas medias britanike, zgjedhjet e saj të modës kanë lënë pa fjalë ndjekësit e shumtë, duke e shndërruar atë në një nga figurat më të diskutuara të ekranit sportiv evropian.
Adhurim nga 1.4 milionë ndjekës
Videoja promovuese e shpërndarë nga Eva në llogarinë e saj në Instagram ka nxitur mijëra reagime nga fansat e saj anembanë botës. Komentet kanë qenë të shumta, duke e cilësuar atë jo vetëm si prezantuesen më të mirë, por edhe si një simbol të bukurisë shqiptare në botë.
“Më spektakolare se vetë Liga e Kampioneve,” ishte një nga komentet që veçoi “The Sun”, ndërsa të tjerë e kanë pagëzuar me epitetin “Perëndesha e Championsit”.
Eva Murati vazhdon të mbetet një nga ambasadoret më të fuqishme të imazhit shqiptar në mediat ndërkombëtare, duke dëshmuar se profesionalizmi dhe stili mund të tërheqin vëmendjen e mediave më të mëdha botërore.
/ KOHANEWS
